НҰР-СҰЛТАН, 5 шілде — Sputnik. Бақытжан Сағынтаев Nur Otan партияcы активінің бірауыздан қолдауымен қалалық партия филиалының төрағасы болып сайланды, деп хабарлады партияның баспасөз қызметі.
Nur Otan партиясы төрағасының бірінші орынбасары Бауыржан Байбек жұмыс сапарымен Алматы қаласына барды.
"Біздің басты міндет – халықтың сенімін күшейту. Өйткені біз халықтың партиясымыз. Сондықтан біз саннан сапаға басымдық беріп, партия қатарында белсенді түрде "тазалау" жұмыстарын жүргіземіз", – деді Nur Otan төрағасының бірінші орынбасары партияның Алматы қалалық филиалының кезектен тыс XXV конференциясында.
Жиын барысында таяуда ғана Алматы қаласының әкімі болып тағайындалған Бақытжан Сағынтаев партия активінің бірауыздан қолдауымен қалалық партия филиалының төрағасы болып сайланды.
