НҰР-СҰЛТАН, 4 шілде — Sputnik. Елорда күніне орай Мәскеудің "Современник" театры орыстың атақты классикасы - "Горе от ума" спектаклін Нұр-Сұлтанға алып келді.
Қойылымда басты рөлдерді Сергей Гармаш (Фамусов), Иван Стебунов (Чацкий), Владислав Ветров (Молчалин) сынды ресейлік театр және кино жұлдыздары сомдайды.
Айта кетсек, "Современник" театрының Нұр-Сұлтан қаласына гастрольдерін Қазақстанның мәдениет және спорт министрлігінің қолдауымен Ресейдің Қазақстандағы елшілігі, Ресейдің мәдениет және ғылым орталығы ұйымдастырды.
Көрермендер спектакльді асыға күтті
Спектакль алдында көрермен Ольга Бабкина классиканы қатты жақсы көретінін айтып, бұл жолы да зор үмітпен келгенін жеткізді.
"Мәскеуде "Современникке" барған едім, Сергей Гармаш басты рөл сомдаған "Пять вечеров" спекталін көрдім. Оны қатты жақсы көремін, классикалық қойылымдарға деген ықыласым ерекше. Қазір театрда классика аз қойылады. Авангардқа бет бұрған. "Современник" бұл спектакльді – "Горе от ума" – классикалық стильде қояды деп ойлаймын. Біріншіден, актерлердің шеберлігін көргім келеді. Мастер-класс болатын сияқты, деңгейі жоғары емес пе!", - деді Бабкина Sputnik Қазақстанға.
![Современник театры астаналықтардың жүрегін жаулап алды Современник театры астаналықтардың жүрегін жаулап алды - Sputnik Қазақстан](https://sputnik.kz/img/1082/00/10820002_0:0:1620:1080_600x0_80_0_0_1615187fcb5deaa328b45d696edddcb3.jpg)
Ал Динара Рысқұлова болса, "Современниктен" үнемі тосын сый күтеді. Сондықтан ол қойылымды тамашалауға асығыпты.
![Современник театры астаналықтардың жүрегін жаулап алды Современник театры астаналықтардың жүрегін жаулап алды - Sputnik Қазақстан](https://sputnik.kz/img/1082/01/10820169_0:0:1620:1080_600x0_80_0_0_9196c9469cab4f2032d205f7489e854b.jpg)
Көрерменнің көзінде "Современник" Грибоедовтың сюжетін қаншалықты сақтай алды деген сауал болды. Бұл сұраққа жауап алу үшін Римас Туминастың туындысын тамашалау керек.
![Современник театры астаналықтардың жүрегін жаулап алды Современник театры астаналықтардың жүрегін жаулап алды - Sputnik Қазақстан](https://sputnik.kz/img/1082/25/10822572_0:0:2888:2048_600x0_80_0_0_b5842cc2eb71e823003cbac78af6899d.jpg)
Көрермен қойылымнан қандай әсер алды?
Спектакльден литвалық режиссердің ерекше қолтаңбасын көруге болады. Отбасымен бірге қойылым тамашалауға келген Светлана Галаганова Туминастың "Горе от ума" қойылымы көңілінен шыққанын айтады.
![Современник театры астаналықтардың жүрегін жаулап алды Современник театры астаналықтардың жүрегін жаулап алды - Sputnik Қазақстан](https://sputnik.kz/img/1082/00/10820055_0:0:1620:1080_600x0_80_0_0_efe534f65fa2c827cf9f8ede0784fbd7.jpg)
"Әр режиссердің өзінің көзқарасы болады. Бұл спектакль көңілімнен шықты. "Горе от ума" әрқашан өмірлік мәні бар қойылым болып қала береді. Біздің күнделікті өмірімізде болатын дүниелер баяндалады", - деді қойылымды тамашалап шыққан көрермен.
Бұл материалды Sputnik Қазақстанның орысша нұсқасынан да оқи аласыздар.