НҰР-СҰЛТАН, 20 маусым – Sputnik. Нұрсұлтан Назарбаев "Үшқоңыр" спорт кешенінің ашылу рәсіміне қатысты, деп хабарлады Қазақстан Республикасының тұңғыш президенті – Елбасының баспасөз қызметі.
Новый спорткомплекс с высоты птичьего полета pic.twitter.com/XGIxiYRqJn
— Aidos Ukibay (@Aidos_Ukibay) 20 июня 2019 г.
Елбасы өңірдің барша тұрғындарын "Үшқоңыр" спорт кешенінің ашылуымен құттықтап, бой көтерген нысанның жастарды тәрбиелеу және дене шынықтыру ісіндегі маңызын атап өтті.
"Біз бүгін аудандағы бірегей спорт кешенін аштық. Дені саудың – жаны сау. Қазіргі заманда дені сау адам ғана табысқа жетеді. Сондықтан, біз бұл нысанды жастарымыз үшін арнайы салдық", – деді Қазақстанның тұңғыш президенті.
Нұрсұлтан Назарбаев өңірлерде әлеуметтік инфрақұрылымды дамыту үшін "Туған жер" бағдарламасын жүзеге асырудың маңыздылығына тоқталды.
— Aidos Ukibay (@Aidos_Ukibay) 20 июня 2019 г.
"Біздің балалық шағымызда спортпен шұғылдану үшін мұндай жағдай болмады. Ал, қазір жастар үшін барлық мүмкіндік бар. Көптеген табысты азаматымыз туған ауылы мен аудандарына қолдау көрсетеді деп ойлаймын. Жаңа спорт кешенінде жаттығатындардың арасынан болашақ чемпиондар шығады деп сенемін. Менің отбасым және жақындарым осы спорт кешенін арнайы сіздердің игіліктеріңіз үшін салды. Сіздерге зор денсаулық, амандық және бақ-береке тілеймін. Баршаңызды тағы да спорт кешенінің ашылуымен құттықтаймын!", – деді Елбасы.
В спорткомплексе "Үшқоңыр" расположены плавательный бассейн, тренажерные залы, теннисный корт и другая спортивная инфраструктура pic.twitter.com/6TbZy0RtKz
— Aidos Ukibay (@Aidos_Ukibay) 20 июня 2019 г.
Спорт кешенінде бокс, күрес және тренажер залдары, жүзу бассейні, теннис корты, көпфункционалды залдар және басқа да спорт инфрақұрылымдары бар.
