Өңірлер

Жамбыл облысында бас дәрігер пара алды деген күдікпен ұсталды

© AP Photo / John O'BoyleКісен, архивтегі фото
Кісен, архивтегі фото - Sputnik Қазақстан
Жазылу
Медицина қызметкері атқарылған жұмыстардың актілеріне қол қойғаны үшін 800 мың теңге алған

НҰР-СҰЛТАН, 19 маусым – Sputnik. Жамбыл облысында орталық аудандық аурухананың бас дәрігері істі болып жатыр. Бұл туралы сыбайлас жемқорлыққа қарсы іс-қимыл агенттігінің баспасөз қызметі хабарлады.

Ұлттық бюроның Жамбыл облысындағы департаменті өңірдегі орталық аудандық аурухананың бас дәрігері пара алғанын анықтаған.

"Ол балалар тағамын мемлекеттік сатып алулар туралы келісімшарт бойынша атқарылған жұмыстардың актілеріне қол қою үшін жеке компания өкілінен 800 мың теңге пара алды деген күдікке ілінді", - делінген ұлттық бюро таратқан хабарламада.

Күдіктіге қатысты кепіл түрінде бұлтартпау шарасы қолданылды. Тергеу амалдары жүргізіліп жатыр. Соңғы үкімді сот шығарады.

Айта кетейік, таяуда облыс әкімдігіне қарасты мемлекеттік мекеменің басшысы мемлекеттік сатып алуды ұйымдастыру кезінде пара алды деген күдікке ілінген болатын.

Тағы оқыңыз: Жамбыл облысы әкімдігінің жоғары лауазымды қызметкері ұсталды

Жаңалықтар
0