НҰР-СҰЛТАН, 29 мамыр – Sputnik. Қазақстандық боксшы Геннадий Головкин канадалық Стив Роллспен жекпе-жек алдында ашық жаттығу өткізді, деп хабарлады Sports.kz.
Головкиннің жаңа бапкері шәкіртінің жұдырықтасу мәнері ұнамайтынын айтты
GGG жиналған журналистерді бокс элементтерімен ғана емес, әзіл-қалжыңымен де қуантты. Әлдекім оның рингте жеңіл қозғалғанын және "жасарып" кеткенін айтып мақтады. Оған Геннадий былай жауап берді: "Музыка қойыңыздар, мен сіздерге Майкл Джексонды көрсетемін!". Бұл жұрттың көңілін көтеріп тастағаны сөзсіз.
GGG having fun with the media pic.twitter.com/VkqWdExOUP
— Boxing Insider.com (@BoxingInsider) 28 мая 2019 г.
8 маусымда Геннадий Головкин Нью-Йоркте Стив Роллспен кездеседі. Бұл Головкиннің Джонатон Бэнкстің жетекшілігіндегі алғашқы жекпе-жегі және DAZN платформасындағы дебюті болады. Головкиннің ашық жаттығуының толық видеосын назарларыңызға ұсынамыз.
