НҰР-CҰЛТАН, 26 мамыр — Sputnik. Әлеуметтік желіде жарты ғасыр жыл бұрын түсірілген видео жарияланды, онда 16 жастағы Қасым-Жомарт Тоқаев сенбілікте мектеп аумағын тазалап жүр, деп хабарлайды Sputnik Қазақстан.
Видеоны президенттің баспасөз хатшысы Берік Уәли Facebook-тегі парақшасында жариялады.
"Осыдан тура 50 жыл бұрын таспаға басылып қалған құнды видеокадрлар. Алматыдағы №25 мектептің 10 сынып оқушылары сенбілікте жүр. Таныған да боларсыздар, араларында қазіргі президентіміз Қасым-Жомарт Кемелұлы да бар", - деп жазды ол.
