НҰР-СҰЛТАН, 20 мамыр — Sputnik. Қазақстан орталық сайлау комиссиясының ғимаратындағы президент сайлауының басталуына қанша уақыт қалғанын көрсететін таблоға әдемі дата шықты.
Sputnik Қазақстан тілшісі сандар қызық ретпен орналасқан сәтті фотоға түсіріп алды – 19 күн, 19 сағат, 19 минут және 19 секунд.
Қазақстанның орталық сайлау комиссиясындағы таблода әдемі сан пайда болды
© Sputnik / Жания Уранкаева
Қазақстан президенті сайлауы 9 маусымда өтеді. Қазақстанның тұңғыш президенті Нұрсұлтан Назарбаев 19 наурыз күні өкілеттігін тоқтататынын жариялады.
Мемлекет басшысы лауазымына жеті кандидат сайлауға түседі:
- Қазақстанның коммунистік халықтық партиясынан Жамбыл Ахметбеков;
- "Ақ жол" демократиялық партиясынан Дания Еспаева;
- "Ұлт тағдыры" қозғалысының үміткері Әміржан Қосанов;
- "Ауыл" партиясының өкілі Төлеутай Рахымбеков;
- Кәсіподақтар федерациясының өкілі Амангелді Таспихов;
- Nur Otan партиясынан Қасым-Жомарт Тоқаев;
- "Ұлы дала қырандары" қоғамдық бірлестігінен Сәдібек Түгел.
