НҰР-СҰЛТАН, 3 мамыр — Sputnik. Қазақстанның қазіргі президенті Қасым-Жомарт Тоқаев үгіт-насихат науқанын жүргізу кезінде мемлекет басшысы өкілеттігін тоқтатпайды. Бұл туралы Nur Otan партиясы төрағасының бірінші орынбасары Мәулен Әшімбаев Орталық сайлау комисиясындағы брифингте айтты.
Оның айтуынша, заңда президент өкілеттігін тоқтату жөнінде талап жоқ.
"Қасым-Жомарт Кемелұлы Тоқаев еліміздің заңдарына сәйкес, Қазақстан президенті міндетін толық атқарады. Егер үгіт-насихат шараларына қатысатын болса, барлық іс-әрекет заңдарға сәйкес жүзеге асылуы тиіс. Яғни, үгіт-насихат жүргізілетін орын дайындалуы керек, қоғамдық штаб пен тиісті заңды тұлға арасында келісім болуы керек", - деп жауап берді журналистердің сұрағына Әшімбаев.
Nur Otan төрағасының бірінші орынбасары Тоқаевтың штабының үгіт-насихат іс-шараларында сайлау туралы заңға сәйкес оның сенімді адамы жұмыс істейтінін атап өтті. Бүгін ОСК Қасым-Жомарт Тоқаевты кандидат ретінде тіркеді.
Тағы оқыңыз: Конституциялық кеңес Тоқаевтың өтінішіне байланысты шешім шығарды
Ол республиканың барлық өңірінен 315 мың қол жинаған.
Қазақстанда кезектен тыс президент сайлауы 9 маусымда өтеді.
