НҰР-СҰЛТАН, 30 сәуір – Sputnik. Бішкекте 33 жастағы ер адам жиенін BMW көлігіне байлап, бірнеше метрге сүйреді деген күдікке ілінді, деп жазады Sputnik Қырғызстан.
"27 сәуірде сағат 8:00 кезінде аудандық ішкі істер басқармасына "Алтын Қазық" тұрғын алабында ер адамның баланы соққыға жыққаны туралы хабар түскен. Құқық қорғаушылар бірден оқиға орнына аттанып, олардың кім екенін анықтады", - делінген Ішкі істер бас басқармасы хабарламасында.
Тұрғын алабындағы үйлердің бірінде денесінің сау-тамтығы жоқ тоғыз жасар бала табылыпты. Милицияның мәліметіне сүйенсек, жеткіншекті туған нағашысы ұрып-соғып, көлікке байлап сүйреген.
Бала ауруханаға жеткізілді. Анасы Ресейге ақша табуға кетіп, ұлын нағашыларының қолына қалдырған екен.
![Нағашысы тоғыз жасар жиенін көлікке байлап сүйреген Нағашысы тоғыз жасар жиенін көлікке байлап сүйреген - Sputnik Қазақстан](https://sputnik.kz/img/1001/36/10013612_0:0:995:1137_600x0_80_0_0_9679c008a7f24247ce8028e354a64cb0.jpg)
Күдікті ұсталды, аталған дерек "Бұзақылық" бабы бойынша сотқа дейінгі тергеулердің бірыңғай реестріне тіркелген. Оқиғаның мән-жайы анықталып жатыр.