НҰР-СҰЛТАН, 18 сәуір – Sputnik. Португалиядағы Мадейра аралында туристер мінген автобус жол апатына түсті. Салдарынан 29 адам мерт болып, тағы 27-сі зардап шеккен, деп хабарлайды РИА Новости.
Қаза болғандардың барлығы Германиядан келген туристер екен. Қолда бар ақпаратқа сүйенсек, автобус жүргізушісі мен гид (екеуі де португалиялық) жарақат алған.
Vídeo - Novas imagens mostram local da tragédia com autocarro na Madeira https://t.co/ouvPzmHgMa
— Revista SÁBADO (@revistaSABADO) 17 апреля 2019 г.
Қайғылы оқиға сәрсенбі күні 18:30 шамасында (астана уақытымен 23:30) болды. Жүргізуші рөлге ие бола алмағандықтан, автобус жолдан шығып кетіп, үйдің төбесіне құлаған.
Portugal - Tragédia na Madeira: Gabinete Médico-Legal do Funchal reforçado com peritos do continente https://t.co/HHX4ZoR6tL
— Revista SÁBADO (@revistaSABADO) 17 апреля 2019 г.
Жергілікті БАҚ көлік ішінде ең кемі 51 адам болды деп хабарлап жатыр.
Португалия премьері Антониу Кошта твиттердегі парақшасында қаза тапқандардың отбасыларына көңіл айтты. Сондай-ақ, Германия канцлері Ангела Меркельге де көңіл айтқан.
Тағы оқыңыз: Қазақстанда тағы да 3 автобус соқтығысты – жантүршігерлік апаттың видеосы шықты
Прокуратура қазір тергеу жүргізіп жатыр. Трагедиядан кейін Мадейра үкіметі үш күндік қаралы күн жариялады.
