Алматыда баланы қағып кеткен жүргізуші көлігін тастап, қашып кетті

АЛМАТЫ, 17 сәуір— Sputnik. Алматыда Клара Цеткин көшесінде баланы көлік қағып кетті.

Куәгерлердің айтуынша, Mazda 626 көлігі далада ойнап жүрген баланы қағып кеткен.

Оқыс оқиғадан кейін жүргізуші тоқтамай, келесі көшеден бұрылып, тағы 200 метрдей жүріп, әрі қарай жаяу қашып кеткен. Бала әр түрлі жарақатпен жақын маңдағы ауруханаға жеткізілді.

Мән-жайды анықтау үшін оқиға орнында жол полициясы қызметкерлері, кримининалистер жұмыс істеп жатыр. Сондай-ақ құқық қорғау органдары қашқын жүргізушіні іздеуге кірісті.