НҰР-СҰЛТАН, 12 сәуір – Sputnik. Қазақстан президенті Қасым-Жомарт Тоқаев Маңғыстау облысына сапары барысында өзінің суреті салынған билбордтар туралы пікірін білдірді.
"Ақтауда менің суретім бейнеленген 14 билборд қойылғанын естідім. Бұл мүлде орынсыз деп есептеймін, маған ондай насихаттың қажеті жоқ. Мұндай әкімшілік ыждаһаттылықтың керегі не?", - деп Ақорданың баспасөз қызметі Тоқаевтың сөзінен үзінді келтірді.
К. Токаев: Мне сообщили, что в Актау поставили 14 билбордов с моим изображением. Считаю, что это совершенно неуместно, я не нуждаюсь в такого рода пропаганде. К чему такая административная ретивость?
— Ақорда Баспасөз қызметі (@AkordaPress) 12 апреля 2019 г.
Оның пікірінше, билбордтар Елбасының басшылығымен мемлекетіміздің нақты жетістіктерін көрсетуге арналуы керек.
"Бұл менің барлық деңгейдегі әкімдерге тапсырмам ", - деп түйіндеді Қазақстан президенті.
