НҰР-СҰЛТАН, 10 сәуір – Sputnik. Қазақстанның сайлаушылар тізіміне 11 миллионнан астам азамат енген. Бұл туралы бүгін Орталық сайлау комиссиясында айтылды, деп хабарлайды Sputnik Қазақстан тілшісі.
2019 жылдың 1 қаңтарындағы жағдай бойынша, Қазақстанда 11 миллион 814 019 азамат сайлаушылар тізіміне енген.
Әр кандидатты қолдау үшін 118 мың 140 сайлаушының қолы жиналуы тиіс. Қол қою парақтарын беру кандидаттың Конституция мен Конституциялық заңның талаптарына сәйкестігін анықтағаннан кейін 5 күн ішінде жүзеге асады. Қол жинауды кандидаттардың сенім білдірген адамдары ұйымдастырады.
Айта кетсек, кандидаттарды тіркеу осы жылдың 11 мамыры сағат 18:00-ге дейін жүргізіледі.
Тағы оқыңыз: Назарбаев сайлаудың не үшін керек екенін айтты
Сайлау алдындағы үгіт тіркеу кезеңі аяқталғаннан кейін басталып, дауыс берудің алдындағы күнгі сағат 00:00-ге дейін жалғасады.
