Саясат

Дариға Назарбаева сенат төрайымы ретінде алғашқы тапсырмасын берді

© Sputnik / Болат ШайхиновДариға Назарбаева
Дариға Назарбаева - Sputnik Қазақстан
Жазылу
Бюро мүшелері төменгі палатадан келіп түскен заң жобаларын бөліп алды

НҰР-СҰЛТАН, 26 наурыз – Sputnik. Сенат спикері Дариға Назарбаеваның төрағалығымен жоғарғы палата бюросының отырысы өтті, деп хабарлайды Sputnik Қазақстан.

Дариға Назарбаева  - Sputnik Қазақстан
Саясат
Дариға Назарбаева сенат спикері болды
Сенаттың баспасөз қызметінің ақпаратынша, бюро мүшелері мәжіліске түскен заң жобаларын бөліп алған.  

Қаржы және бюджет комитеті "Қазақстан Республикасының Ұлттық қорынан 2019-2021 жылдарға арналған кепілдендірілген трансферт туралы" заңға өзгерістер енгізу туралы және "2019-2021 жылдарға арналған республикалық бюджет туралы" заңға өзгерістер мен толықтырулар енгізу туралы" заң жобаларына жауапты болды.

Халықаралық істер, қорғаныс және қауіпсіздік комитеті "Қазақстан үкіметі мен Тәжікстан үкіметі арасында өтеусіз әскери-техникалық көмек көрсету туралы келісімді ратификациялау туралы" заң жобасын одан әрі пысықтаумен айналысады.

Ал "Қазақстан Республикасының кейбір заңнамалық актілеріне көлік мәселелері бойынша өзгерістер мен толықтырулар енгізу туралы" заң жобасына экономикалық саясат, инновациялық даму және кәсіпкерлік комитеті жауапты.

Тағы оқыңыз: "Бас иеміз" Дариға Назарбаева қаза болған полицейдің отбасына көңіл айтты

Сонымен қатар, бюро отырысында 28 наурызда өтетін сенат отырысының күн тәртібі қаралды.

Алдағы отырыста сенат депутаты Қайрат Қожамжаровтың ант қабылдауы мен оны сенаттың тұрақты комитетінің құрамына қабылдауы, сондай-ақ, халықаралық істер, қорғаныс және қауіпсіздік жөніндегі тұрақты комитеттің төрағасын сайлау ұсынылды.

Тағы оқыңыз: Сенаттың жаңа төрайымы Дариға Назарбаева туралы қызықты деректер

Сенат төрайымы Дариға Назарбаева әріптестеріне республикалық бюджетке түзетулер енгізу туралы заң жобасын уақытылы және жан-жақты қарастыруды тапсырды. 

Жаңалықтар
0