АСТАНА, 5 наурыз – Sputnik. Білім және ғылым министрлігі ұлттық бірыңғай тестілеудің форматын өзгертпейді. Бұл туралы ведомство басшысы Күләш Шәмшидинова мәлімдеді, деп хабарлайды Sputnik Қазақстан тілшісі.
Сонымен қатар, министр оқушылардың білімін бағалау жүйесіне де тоқталды.
Оның пікірінше, бағалау жүйесі балаларға, ата-аналар мен ұстаздарға да түсінікті болуы шарт.
"Әр оқушының алған бағасын жақсартуға мүмкіндігі болуы тиіс. Бағалау жүйесі дәл осыған бағытталған, яғни жүктемені, ең бастысы, оқушыға деген психологиялық қысымды жою. Иә, бәлкім, қазір бізде бұл бағытта олқылықтар бар шығар. Қателік те жіберіп жатқан шығармыз. Бірақ, біздің міндет – бағалау жүйесін ашық, түсінікті әрі қолжетімді ету", - деді министр.
Тағы оқыңыз: Жаңа білім министрі үштілділікке қатысты ойын айтты
