АСТАНА, 22 ақпан – Sputnik. Белгілі тележүргізуші Ләйлә Сұлтанқызы бір айда 3-4 миллион теңге табыс табатынын айтты, деп хабарлайды Sputnik Қазақстан.
"Қазбалама, мен үшін жақсы. Бір көйлегімді алуға артығымен жетеді. Қай жақтан қанша алатынымды нақтыламай-ақ қояйын, бір айлық жалақым 3-4 миллион болуы мүмкін", - деді Ләйлә Сұлтанқызы "TalkLikе" бағдарламасына берген сұқбатында.
Сонымен қатар, ол әлеуметтік желідегі парақшасында жарнама жариялау қанша теңге тұратынын айтты.
"Базалық пакеттер 500 мың теңгеден басталады. Менде, негізі, бір емес, бірнеше парақша ғой. Ең супер VIP пакеттер 2 миллион теңгеге дейін барады", - деп ашығын айтты тележүргізуші.
Бұған қоса, Ләйлә Сұлтанқызының жарнамаға қанша теңгеге түсетіні белгілі болды.
Тағы оқыңыз: "Жексұрын болдым": Танымал әнші құмар ойынға салынып, 200 000$-дан айырылғанын мойындады
"Жарнамаға түсудің шарттарына байланысты. Егер құқығы өзімде қалатын болса, жылына 20 мың доллардан төмен, ал егер оларға берілетін болса, яғни билбордқа, басқа жерде пайдалануға берілсе, онда 20 мың доллардан жоғары", - деді ол.
