Әлем

Аяқасты үлкен олжаға тап болған кедей жігіт көп ұзамай тақырға отырды

© Sputnik / Рамиль Ситдиков / Медиабанкке өтуЕр адам
Ер адам - Sputnik Қазақстан
Жазылу
Лотереядан қомақты сома ұтып алған қоқыс жинаушы жігіт он жылдай уақыт ішінде кедейге айналды

АСТАНА, 13 ақпан – Sputnik. Адамдардың көпшілігі аяқ астынан қомақты олжаға кенелсем, алаңсыз рахат өмір сүрер едім деп ойлайды. Лотерея билетін сатып алғанда Майкл Кэррол да солай пайымдаса керек. Бірақ оның қуанышы ұзаққа созылмады, деп жазады The Sun.

Ақша - Sputnik Қазақстан
Әлем
Әйелінің сөзіне құлақ аспаған ер адам үлкен олжаға кенелді

2002 жылы Англияның Норфолк қаласында 19 жастағы қоқыс жинаушы лотереядан 13 миллион доллар ұтып алады. Бақыттан басы айналған жас жігіт ойын-сауықтың қызығына түсіп, неше түрлі шытырман оқиғаларды бастан кешеді. Көшеде кетіп бара жатқан адамдарға тамақ лақтырып, тіпті сот отырысына алтын бұйымдарын тағып, сыра ішіп келген.

Осылайша арада он жыл өткенде Майклдың ақшасы таусылған екен. Сөйтіп, ол бәрін басынан бастауды жөн көреді: Шотландияға көшіп, кішкентай үй жалдап, жұмысқа орналасады. 12 сағаттық жұмысында отын жарып, ағаш пен көмір тасиды. Қазір оны ешкім де танымайтын шығар, өйткені бет-ауызы үнемі күйе-күйе болып жүреді.

Он жыл сауық-сайран құрған 35 жастағы жігіттің көлігі де, үйі де жоқ, бірақ ол бұған қаймықпайды. Байлық қалай келсе, солай кетті, дейді Майкл. Керісінше, еңбек етіп жүргеніне қуанышты.

"Менен үнемі сұрайды: сонша ақшадан айырылған қалай? Бірақ мен айырылған жоқпын ғой, жұмсадым емес пе!", - дейді Майкл.

Ол кейде лотерея билетін сатып алады екен. Тағы жолы болса, бұрынғы қателігін қайталамай, ақшасын үнемдеп жұмсамақ.

Жаңалықтар
0