АСТАНА, 11 ақпан — Sputnik. Моңғолия әншісі америкалық дарындылар шоуының әділ қазыларын ерекше дауысымен тәнті етті.
Энх-Эрдэнэ (Enkh Erdene) Элвис Преслидің мақамымен Amarillo by Morning (Таңға жуық Амариллоға жету) әнін жеріне жеткізіп орындаған. Бір қызығы, ол ағылшын тілінде мүлдем сөйлемейді екен. АҚШ-қа алғаш рет осы шоуға қатысу үшін келіп отыр.
Әлеуметтік желіде дарынды қатысушыға арналған хэштег пайда болды - #mongoliancowboy, "Моңғол ковбойы" дегенді білдіреді. Кей деректерге сүйенсек, ол "Эй, Арнольд" мультфильміндегі кейіпкерден айнымайды.
Ok, @WorldsBestCBS, I see you! Serving some @Nickelodeon #heyarnold realness! The #MongolianCowboy #EnkhErdene killed it, and I believe was the incarnation of #mrhyunn the #VietnameseCowboy #lifeimitatesart #thesimplethings pic.twitter.com/2O1fm8h37S
— Kristen Paul (@LuckilyCharming) 4 февраля 2019 г.
Актриса Дрю Бэрримор моңғол жігітінің орындауын өте жоғары бағалап, ең көп 50 балл қойды. Актер Ру Пол мен әнші Фэйт Хилл 48 балдан беріпті. Әр саланың 50 сарапшысы бір балл ғана кем қойған. Сөйтіп, "Әлемнің үздігі" атағына үміткер 97 балл жинады.
Қазақстандық әнші Димаш Құдайберген жүзден 98 балл жинаған еді. Ол шоуда SOS d'un terrien (Торыққан жер тұрғынының жан айқайы). Конкурстың жүргізушісі "Алты октава адамға" дауыс бермегендерді әзіл-қалжыңы аралас тілмен түйреп алды.
Дарындылар шоуында Қазақстанның намысын жас әнші Данэлия Төлешова да қорғайды. Ол қатысқан бөлім CBS эфиріне Астана уақытымен 14 ақпан күні сағат 10:00-да шығады.
Танымал голливудтық актриса Данэлияның дауысын тыңдап, көзіне жас алды - видео
