Өңірлер

Бақсы өлтіріп қойған жігіттің туыстары оқиғаның мән-жайын баяндады

© Sputnik / Рамиль Ситдиков / Медиабанкке өтуЕр адам, архивтегі сурет
Ер адам, архивтегі сурет - Sputnik Қазақстан
Жазылу
НовостиTelegram
Алматы облысында жынын шығарамын деп науқасты өлтіріп алған бақсы қамаудан босады

АСТАНА, 17 қаңтар — Sputnik. Алматы облысында бақсының емінен кейін көз жұмған 28 жастағы Тұрар Оразалиевтің туыстары емшіге қарсы іс қозғалғанына қарсы шықты. 

Дәстүрлі медицинадан шипа болмағандықтан, ақыл-есінің ауытқуынан үш жылдай қиналған жігітті жақындары бақсыға өз еркімен әкеліпті. Алайда, науқас 4 күн бұрын белгісіз жағдайда қайтыс болды, деп хабарлады "Алматы" арнасы.

Архивтегі фото - Sputnik Қазақстан
Өңірлер
Алматы облысында жігіттің жынын қуамын деп өлтіріп қойған емші ұсталды

Полиция дерегінше, Шамалған ауылының тұрғыны ауыр дене жарақатынан көз жұмған. Алайда емші жігіттің денесіндегі жарақаттарды бұрын да байқағанын айтады.  

"Мұны Алланың бұйрығына, тағдырдың жазуына қалдырайық. Жақсылық емес, әрине. Мен қазір кінәлімін де. Екі жылдан төрт жылға дейін шартты жаза алуым мүмкін, болмаса одан да ауыр жаза алармын", – дейді емшінің өзі.

63 жасында жын кірген жанды емдеймін деп басы дауға қалған Әбдікәрім ақсақал құсбегілікпен айналысады екен, бірнеше күн қамалған соң, қолхатпен бостандыққа шығыпты.

"Тынышталмай, басын қабырғаға соқты, бірақ күдікке ілінгеніме өкінбеймін. Ауырған жанды жақындары байлап әкеліп, жарты сағат ем салған соң, алып кететін. Жетінші күнге қарағанда есін жинап, жақсарып қалған еді", — дейді құсбегі. 

Ал жігіттің туыстары Тұрарды үйде байлап ұстағандарын, ол өзінің саусағын да шапқанын, көліктің астына да жүгіргенін баяндады.

Жын шығаратын ақсақал Рустамбек Бегметов - Sputnik Қазақстан
Өңірлер
Бес жасар қыз 4-5 жігітке бой бермеді – жын шығаратын ақсақалдың әңгімесі

"Жатқан кезде аузыма бір нәрсе кіріп кетті деді. Содан қараңғы бөлмеге қарап, қаша беретін болды. Қатарға қосылмайтын болды. Біреулер жын деді, біреулер дуалаған деді. Бір түрлі болып кетті", – деді марқұмның ағасы Амантай.

Жігітті жақындары Талғардағы жүйке аурулары ауруханасына да жатқызған.   

Марқұмның туыстары медицинадан медет таппаған соң, бауырларын қырықтан астам емші мен молдаға апарып емдеткен.   

"Бүркітші кінәлі емес, тағдыры солай болды. Сондықтан алдағы уақытта соңғы рет апарып емдеткен бақсыны сотта барынша ақтап алуға тырысамыз, оған өкпе, ренішіміз жоқ", — десті олар.


Жаңалықтар
0