"Медеу" биік таулы мұз айдыны – тарихы тереңде жатқан айрықша мекендердің бірі.
Бұл Алматы қонақтары жиі баратын көрікті жер ғана емес, адамды баурап, өзіне тартатын ерекше қасиеті бар орын.
Көркіне көз тоймайтын Алматы таулары — 12 айшықты фото
Күн сайын жүздеген адам келіп таза ауада коньки тебеді, Алматының сұлу табиғатын тамашалайды.
Sputnik Қазақстан назарларыңызға "Медеу" мұз айдынының тарихын ұсынады.
Биік таулы спорт кешені теңіз деңгейінен 1691 метр биіктікте орналасқан. Суретте: "Медеу" мұз айдынындағы жарыс, 1970 жыл.
Мұзда шапшаң сырғанаудың құпиясы – таза ауа, биік тау және тұнық су. Суретте: КСРО-ның конькимен жүгіру спорты құрамасының мүшелері Людмила Титова (сол жақта) мен Людмила Фегина, 1970 жыл.
Мұз айдын ашылған күні (1951 жылдың 5 ақпаны) екі әлемдік және алты бүкілодақтық рекорд орнатылды. Суретте: коньки бойынша КСРО-ның әйелдер арасындағы біріншілігі, 1960 жыл.
Конькимен жүгірушілердің жоғары жетістігі арқасында мұз айдын "Рекордтар шеберханасы" деп аталып кеткен. Фотода: КСРО-ның еңбек сіңірген спорт шебері Владимир Мұратов, 1973 жыл.
Биік тауда жүгіру жолақтары бар әрі халық жаппай коньки тебуге келетін жасанды мұзды ашық стадион салу – сол заман үшін тым биік мақсат еді. Суретте: Кеңес Одағының Коммунистік партиясы Орталық комитетінің бас хатшысы Леонид Ильич Брежнев пен мәнерлеп сырғанаудан әлем чемпионы Ирина Роднина "Медеу" мұз айдынында, 1973 жыл.
Тоңазытудың күрделі жүйесі жасанды мұзды сегіз ай бойы сақтауға мүмкіндік беретін. Фотода: спорт кешенінің көрінісі, 1973 жыл.
Трибуналар 10,5 мың адамға есептелген. Фотода: Көрермендер Еуропаның әйелдер арасындағы конькимен жүгіру чемпионатын тамашалауда, 1974 жыл.
Жасанды мұзды сақтайтын тоңазытқыш қондырғылар, 1976 жыл.
Биік таулы мұз айдынына апарар жолдағы "Турист" қонақүйі.
1972 жылы 28 желтоқсанда жаңа спорт кешенінің ресми ашылуы болады.
Биік таулы мұз айдынында барлығы 123 әлемдік рекорд орнатылды. Фотода: еңбек сіңірген спорт шебері, 1000 метрге конькимен жүгіруден олимпиада чемпионы атанған Наталья Петрусева мен оның бапкері Анатолий Петрусев "Медеу" мұз айдынында, 1983 жыл.
1984 жылы бес мың метрге жүгіруден әлемдік рекорд орнатқан конькиші Виктор Шашерин (Қазақ ССР) спорттық карьерасын Алматыдағы әйгілі мұз айдынынан бастаған.
Мұнда конькишілер ғана емес, қазақстандық хоккей командасы да бүкіл одақты дүркіретіп, топ жарды. Фотода: КСРО-ның допты хоккей чемпионы "Динамо" командасы (Алматы).
"Медеу" биік таулы мұз айдынында 1990 жылы мұздағы мотоцикл жарысының командалық чемпионаты өтті.
Суретте: Ресей президенті Борис Ельциннің (ортада оң жақта) Қазақстанға ресми сапары. Инженерлер мен құрылысшылар Ельцинге "Медеу" спорт кешенінен ескерткіш ретінде кәдесый ұсынды.
