АСТАНА, 11 қаңтар — Sputnik. Конгодан Қазақстанға келіп, сәби сүйген Моника Камукендж Камганза "Аналар үйіне" орналастырылды, деп хабарлайды осы жас әйелге қамқор болған "Қорғау Астана" қорының жетекшісі Анна Рыль.
Әйелге перзентханада босану үшін ақша төлеуге көмектесті. Блессинг (ағылшын тілінен аударғанда Құдай берген деген мағынаны білдіреді) атты қызы екеуі "Қорғау Астана" қорының қамқорлығында болды.
"Бүгін Мониканы біздің орталықтан аналар үйіне шығарып салдық. Ол сол жерде алты айға дейін тұра алады. Осы үшін серіктестеріміз "Аналар үйі" қорына алғыс айтамыз. Моника бізде маусым айынан бастап тұрды. Өкінішке қарай, бізде қордың мүмкіндіктері шектеулі. Оның үстіне қазір жылдың басы. Сондай-ақ, біз халықаралық Қазақстанға қоныс аудару ұйымына алғыс айтамыз. Олар бізге перзентханаға ақша төлеп, бастапқыда күтім жасауға және сәбиге керектіні сатып алуға көмектесті", — деп жазды қор басшысы Анна Рыль өзінің Facebook парақшасында.
Sputnik Қазақстанда Мониканың оқиғасы жарияланғаннан кейін республиканың ішкі істер министрі Қалмұханбет Қасымов әйел мен оның қызына құжаттарын рәсімдеуге көмектесетінін айтты.
Мониканың өзі Конгодағы отбасының ақшалай көмек көрсете алмайтынын жасырмайды.
