АСТАНА, 22 желтоқсан — Sputnik. Танымал қазақстандық әртістер Димаш Құдайберген мен Данэлия Төлешова АҚШ-та дарындылар шоуының қатысушысы атанды.
Димаш пен Данэлия The World's Best ("Әлемдегі үздіктер") тұсаукесер шоуында ән шырқайды. Қазақстандық жұлдыздарды CBS танымал америкалық телеарнасындағы промо-роликтен көрсетті.
Бағдарламаның жүргізушісі - танымал әртіс, комик Джеймс Корден. The World's Best қатысушылары әлемнің ең дарынды адамы мәртебесі үшін бақ сынасты. Олар жұлдызды әділ қазыларды таңғалдыру үшін қолдан келгеннің бәрін жасады. Әділ қазылар қатарында: америкалық актриса Дрю Бэрримор, жүргізуші РуПол Андре Чарльз және әнші Фейт Хилл. Қатысушылар әртүрлі салалардағы 50 сарапшыдан тұратын "әлем қабырғасын" бұзуға тиіс болатын.
Жаңа шоудың алғашқы бағдарламасы 2019 жылдың 3 ақпанында көрсетіледі.
Димаш Құдайберген мен Данэлия Төлешова – Қазақстанның жас әрі дарынды жарық жұлдыздары.
