АСТАНА, 19 желтоқсан – Sputnik. "Қазгидромет" синоптиктері 2018 жылдың 20-22 желтоқсан күндеріне ауа райы болжамын ұсынды.
Алдағы күндері республиканың солтүстік, орталық және шығыс облыстарында кей жерде суық арктикалық фронттардың салдарынан бұрқасын және қатты жел соғады. Скандинавия түбегінің солтүстік бөлігінен келген антициклон мен осы фронттың ығысуынан жауын-шашын тоқтап, күн суытады.
Ал Қазақстанның таулы аймақтарына оңтүстік фронттық жүйе әсер етеді: аздап қар жауып, тұман түседі және көктайғақ болады.
Қыс мезгілі адам өліміне себепші болуы мүмкін
Жалпы алғанда ауа температурасы еліміздің бүкіл аумағында климаттық нормадан төмен болады, солтүстік, орталық және шығыс өңірлерде түнде ауа температурасы 30…35°С-қа дейін төмендейді, бұл климаттық нормадан 6…9°С төмен.
