АСТАНА, 17 желтоқсан — Sputnik. Ұлыбританияда орналасқан Кардифф университетінің ғалымдары веган болудың неліктен балалар денсаулығына зиян екенін түсіндірді. Мамандардың айтуынша, балалар екі жасқа дейін қажетті мөлшерде жануарлар майы және ақуызымен қамтылуы тиіс. Сондай-ақ, енді жетіліп жатқан ағза өзіне қажеттіні өсімдіктерден таба алмауы мүмкін. Бұл туралы Science Alert басылымы жазды.
Мамандардың айтуынша, шектен тыс веган болу балалардың денсаулығына үлкен кері әсерін тигізеді. Себебі, осының салдарынан олардың ағзасына қажетті заттар жетіспеушілігі пайда болуы мүмкін.
Мысалы, ағзаға темір жетіспеген жағдайда қан аздық, ал B12 дәруменінің аздығы жүйке ауруларына шалдықтырады. Нидерландыда жасөспірімдерге жүргізілген зерттеулер нәтижесінде веган болғандардың ағзасына минералды заттар жетіспейтіні және 6-18 айлықтарында бойы дұрыс өспегені белгілі болды.
