АСТАНА, 7 желтоқсан — Sputnik. Қазгидромет демалыс күндеріне ауа райы болжамын ұсынды.
30 Қараша 2018, 15:23
Қазақстан аумағының үлкен бөлігі бұрынғыша Сібір антициклонының ықпалында болса да, тропосферадағы ауа ағындары өз бағытын солтүстіктен батысқа ауыстыра бастады. Сондықтан алдағы демалыс күндері ауа температурасы көтеріледі.
Орталық Азия бойынша Жерорта теңізінің шығысынан циклондар жылжиды, осыған байланысты атмосфералық фронттардың әсерінен республиканың оңтүстік және оңтүстік-шығысында жауын-шашын, көбінесе қар, тұман және көктайғақ болады.
Сондай-ақ республиканың батысында атмосфералық фронттардың ықпалынан қар жауады, тұман және көктайғақ болады. Сондай-ақ, Қазақстанның басқа аумақтарына қарағанда температура төмендейді.
