АСТАНА, 30 қараша — Sputnik. Нигерия тұрғыны тоқал алуға шешім қабылдаған, алайда бұл туралы бәйбішесіне айтпапты. Алданған әйел шындықты той күні естіп, мәселенің басын ашып алуға аттанған.
Әуел бастан-ақ жолы болмаған жігіт көп қиындыққа тап болды. Салтанатты рәсім Апостол шіркеуінде өтуі тиіс еді, бірақ діни қызметкер оның жұбайы бар екенін біліп, неке қиюдан бас тартқан, деп жазды Сегодня.
Үйлену тойы басқа шіркеуге ауыстырылды, бірақ бұл уақытта бәрін бәйбішесі біліп қояды. Ол шіркеуге баса-көктеп кіріп, қалыңдықтың үстіне пальма майын шашып, той көйлегін бүлдірген. Осыдан кейін әйелдер төбелесіп қала жаздады.
