АСТАНА, 29 қараша – Sputnik. Француз қызы шашын қара түске бояғаннан кейін бет пішінінің қалай өзгеріп кеткенін көрсетті.
"Мен ақымақтық жасадым, мұның өзгелерге сабақ болғанын қалаймын", — деді ол.
Шашын қара түске бояғаннан кейін бірнеше сағаттан соң, бояғыштарды дайындауда қолданылатын парафенилендиамин затына аллергиялық реакциясы пайда болған. Бас терісі ісе бастаған, деп хабарлайды РИА Новости.
Эстель бірден шұғыл медициналық көмек пунктіне жүгінеді, ол кезде қыздың басының көлемі 56 сантиметрден 63 сантиметрге дейін ұлғайған еді. Дәрігердер оған дәрі беріп, үйіне қайтарып жіберген. Алайда беттің ісуі тоқтамаған, көп ұзамай тілі ісіп, демі қысыла бастаған. Осыдан кейін Эстель ауруханаға жатқызылып, ем қабылдады. Тиісті емнен кейін ғана қыздың беті бері қараған.
Аллергиялық дертінен толық айыққаннан кейін Эстель өзінің суреттерін жариялап, бет пішінінің қалай өзгергенін көрсетуді жөн санады.
"Мен бір ажалдан аман қалдым, басқалардың да мұндай жағдайға тап болғанын қаламаймын", — деді студент.
