АСТАНА, 27 қараша – Sputnik. ESPN телеарнасының тілшісі әрі комментаторы Дэн Рафаэль қазақстандық боксшы Данияр Елеусіновтің (5-0, 3 KO) келер жылға жоспары туралы айтты, деп хабарлайды Sports.kz.
Рафаэль Даниярдың промоутері Эдди Хирнға сілтеме жасап айтқандай, алдағы жазда отандасымыз кәсіпқой рингте алғаш рет титул үшін жұдырықтасады.
"Елеусіновтің қарқыны күшті. Сәуір айында кәсіпқой рингке алғаш рет алты раундтық жекпе-жекке шықты. Ал Мохикамен кездесу сегіз раундқа есептелген болатын. Промоутері Эдди Хирн айтқандай, 2019 жылы ол он раундқа ауысады, ал жазда өңірлік титулдар үшін жұдырықтасатын болады", — деп жазды Рафаэль.
Естеріңізге сала кетсек, өткен демалыста Елеусінов Монте-Карлодағы бокс кеші аясында өткен жекпе-жекте никарагуалық Карлос Мохиканы (16-3-2, 12 КО) техникалық нокаутпен жеңді.
20 жастағы қазақстандық боксшы мексикалық чемпионды нокаутқа жіберді — видео
