АСТАНА, 9 қараша — Sputnik. АҚШ тұрғыны Морин Пачеко қатерлі ісікпен шатастырып бүйрегін алып тастаған дәрігерді сотқа берді, деп хабарлайды Palm Beach Post.
Флоридада тұратын 51 жастағы әйелдің сынығы дұрыс бітпей, бірнеше жыл арқасы ауырып жүріпті. Ол жол апаты салдарынан жарақат алған екен.
Операция кезінде хирург Рамон Васкес тілік қана жасаудың орнына, науқастың сап-сау бүйрегін қатерлі ісікпен шатастырып, кесіп алып тастайды. Бір айдан кейін патологоанатом бүйректің сау болғанын мойындаған.
Флориданың денсаулық сақтау департаменті Васкестің атына әкімшілік шағып түсіреді. Ведомство мәлімдегендей, науқасқа диагноз дұрыс қойылмаған.
Алматыда кеудесіне пластикалық ота жасатқан әйел көз жұмды
Айыпты дәрігер медициналық рұқсатнамасынан айырылып, 250 мың доллар айыппұл төлеуге міндеттелуі мүмкін. Бұл жайтқа дейін хирургтің мансабында бірде-бір ағаттық болмапты.
