АСТАНА, 8 қараша — Sputnik. Астанада № 2 қалалық балалар ауруханасында "Балалардың ағзасындағы бөгде зат" тақырыбына арналған презентация өтті, деп хабарлады елорда әкімдігінің ресми сайты.
2018 жылдың басынан Астанада дәрігерлер балалардың ағзасынан бөгде затты алу үшін 159 операция жасады.
Дәрігерлердің айтуынша, олар көбіне балалардың ағзасынан тиын алып шығады.
"Ата-аналар ұсақ тиынды әр жерге тастайды да, балалар оны тез тауып алып, жұтып қояды. Өйткені, ол ыңғайлы әрі тегіс", — дейді дәрігер-эндоскопист Марат Қанапиев.
"Балалар көбіне 50 теңгелікті жұтып қояды", — деп түйіндеді дәрігер.
