АСТАНА, 27 қазан — Sputnik. Республиканың басым бөлігінде жауын-шашынсыз ауа-райы сақталады, тек батысы мен мен солтүстік-батысында атмосфералық фронттардың өтуіне байланысты кей жерлерде жаңбыр жауады, деп хабарлайды Қазгидромет.
Республика бойынша кей жерлерде тұман, екпінді жел соғады. Алматы облысының Жалаңашкөл аумағында жел 18-23 м/с-ке дейін күшейеді.
Маңғыстау, Шығыс Қазақстан облыстарының кей жерлерінде жел 15-20 м/с-ке дейін күшейіп, түнде және таңертең тұман түседі.
Қостанай, Қызылорда, Батыс Қазақстан, Атырау, Ақтөбе, Павлодар, Қарағанды облыстарының кей жерлерінде жел 15-20 м/с- ке дейін күшейеді.
Атырау облысында түнде және таңертең тұман түседі.
Астанада күндіз +14, түнде +8 болады, жаңбыр жауады.
Алматыда күндіз +23, түнде +12 болады.
Шымкентте қазан айының соңы болса да, әлі жаз — күндіз ауа температурасы +32, ал түнде +17 градусқа дейін көтеріледі деп болжанып отыр.
