АСТАНА, 24 қазан — Sputnik. Британ басылымы қазақстандық кәсіпқой боксшы Геннадий Головкиннің келесі қарсыласы кім болуы мүмкін екенін жазды.
Box Nation GGG-дің алғашқы жеңілісінен кейінгі қарсыласы WBA Regular белбеуінің қазіргі иегері Роб Брант болуы мүмкін деп есептейді.
Rob Brant threw over 1200 punches during Saturday's upset win over Ryota Murata and could face Gennady Golovkin next year 🇺🇸 #MurataBrant pic.twitter.com/eG8OP919nv
— BoxNation (@boxnationtv) 22 октября 2018 г.
Промоутерлер Головкин мен Риото Муратаның жекпе-жегі туралы келіссөздер жүргізіп жатқаны хабарланған болатын, алайда жапон боксшысы Бранттан жеңіліп, белбеуінен айырылды.
Бұған дейін WBO тұжырымы бойынша орташа салмақ дәрежесіндегі әлем чемпионы Деметриус Андраде GGG-ді жекпе-жекке шақырған еді.
Геннадий Головкин мексикалық Сауль "Канело" Альвареспен жекпе-жекте алғаш рет жеңіліске ұшырады. Төрешілердің шешімі GGG-ді WBC, WBA (Super) және IBO нұсқалары бойынша орташа салмақ дәрежесіндегі чемпиондық белбеулерден айырды.
