"Маған бәрібір". Трамптың әйелі киген киімі үшін жұрттың сөзіне қалды

АСТАНА, 13 қазан – Sputnik. АҚШ-тың бірінші ханымы Меланья Трамп "Маған бәрібір. Ал сізге?" деген жазуы бар күрткені не үшін кигенін түсіндірді. 

АҚШ президенті Дональд Трамптың әйелі Техастағы иммигрант балалардың орталығына барарда үстіне "Маған бәрібір. Ал сізге?" деген жазуы бар күртке кигені үшін желі қолданушыларынан біраз сын естіді. Меланьяның жасыл киіммен түскен суреті интернетте таралып кеткен. Осыдан кейін Американың бірінші ханымы күрткені қандай мақсатпен кигенін түсіндіруге мәжбүр болды, деп жазады life.ru.

"Бұл күрткені балалар үшін кимегенім анық. Мен оны ұшаққа кіру үшін және шығу үшін кидім. Бұл мені сынайтын адамдар мен кейбір БАҚ үшін жасалды", — деді Меланья ABC News басылымына берген сұқбатында. 

Меланьяның айтуынша, бұл әрекеті арқылы ол сынға мән бермейтінін көрсеткісі келген. 

Дональд Трамп пен Ангела Меркельдің суреті желіні шулатты

"Бұл өзіндік бір үндеу десем де болады. Жұрт менің не кигеніме емес, істеп жатқан жұмыстарым мен бастамаларыма мән бергенін қалаймын", — деді ол.