АСТАНА, 11 қазан — Sputnik. Оқиға 9 қазан күні Түркістан облысы Леңгір кентінің маңында орналасқан түзету мекемесінде болды. Бұл туралы ҚР Ұлттық ұланы баспасөз қызметі хабарлады.
Сол күні 6698 әскери бөлімінің жедел қызметінің әскери қызметшісі Иван Дорохин УИС-108 түзету мекемесінде бекетте сақшы міндетін атқарып тұрған, ол сотталғандардың бірі қатарды тастап, тыйым салынған ішкі аймаққа жүгіріп бара жатқанын байқайды.
Қатардағы Иван Дорохин уақыт жоғалтпай, оқиға туралы тез арада қарауыл бастығына баяндап, дабыл нүктесін басады.
"Қашуға әрекет еткен сотталушыға айқалап, аспанға ескерту оғын атқан", — деп жазылған хабарламада.
Ұлан жауынгерінің қырағылығының арқасында сотталушы әскери жасақ бастығы старшина Ж. Асқаров пен түзету мекемесі бастығының көмекшісі әділет капитаны Н. Үсенбаевтың қолына түседі.
Ұлттық ұлан жауынгерлері 20 жастағы қызды зорлаған күдіктіні іздеп тапты
Жауынгер жоғары қолбасшылық атынан марапатқа ұсынылды. Ал, оның ата-анасына 6698 әскери бөлімі командирі атынан үлгілі тәрбиесі үшін алғыс хат жіберілді.
