АСТАНА, 30 қыркүйек — Sputnik. АҚШ президенті Дональд Трамп КХДР басшысы Ким Чен Ынға деген көзқарасы туралы айтты.
Батыс Вергиниядағы өзінің жақтастары алдында сөйлеген сөзінде Трамп Солтүстік Корея көшбасшысымен кездесуін еске алған.
"Ең қызығы не екенін білесіздер ме? Мен қатал болдым, ол да. Кейін бәрі тағы қайталанды. Содан соң бір-бірімізге ғашық болдық", — деді ол.
TRUMP smears Democrats: "Democrats. You see it happening right now. [Crowd boos] They are determined to take back power by using any means necessary. You see the meanness, the nastiness — they do not care who they hurt, who they have to run over in order to get power and control" pic.twitter.com/JF3C7s21MR
— Aaron Rupar (@atrupar) 29 сентября 2018 г.
Ол БАҚ өкілдеріне әзілдеп, тілшілер енді оның әрекетін "президентке жат" деп айтатын шығар деп болжады.
Трамп айта кеткендей, Ким Чен Ыннан "жағымды хаттар" алып тұрады екен. Америкалық көшбасшының сөзіне сүйенсек, КХДР бұрынғы АҚШ президенттерінің қоңырауына жауап бермейтін.
Трамп пен Ким Чен Ынның тарихи кездесуі 12 маусымда Сингапурде болды. Ядролық қарудан бас тартқаны үшін Вашингтон Пхеньянның қауіпсіздігін кепілдендіруге уәде берді.
Қазақстан бұл саммитті АҚШ пен КХДР арасындағы сенімді нығайтуға септігін тигізетін тарихи маңызды оқиға деп атады.
