Саясат

Назарбаев ТМД-дағы сауда кедергілерін жоюға шақырды

© Photo : Ақорданың ресми сайтыНұрсұлтан Назарбаев ТМД-ға мүше елдер басшылары кеңесінің отырысына қатысты
Нұрсұлтан Назарбаев ТМД-ға мүше елдер басшылары кеңесінің отырысына қатысты - Sputnik Қазақстан
Жазылу
Yandex newsTelegram
Президент мемлекетаралық қатынастарды одан әрі тереңдететін перспективті бағыттарға назар аударды

АСТАНА, 28 қыркүйек— Sputnik. Қазақстан президенті Нұрсұлтан Назарбаев Тәуелсіз Мемлекеттер Достастығына мүше елдер басшылары кеңесінің отырысына қатысты, деп хабарлайды Ақорданың баспасөз қызметі.

Нұрсұлтан Назарбаев пен Әсет ИСекешев - Sputnik Қазақстан
Саясат
Назарбаев Астана әкімін неге ауыстырғанын түсіндірді

Отырыста мемлекет басшысы ТМД аясындағы қарым-қатынастарды нығайтып, дамыту үшін атқарылған жұмыстардың нәтижелеріне тоқталды.

Нұрсұлтан Назарбаев ұйымды реформалау және Достастықтың тұжырымдамалық құжаттарын жаңарту жолында қолға алынып жатқан шаралардың тиімділігін атап өтті.

Қазақстан президенті мемлекетаралық қатынастарды одан әрі тереңдетуге септігін тигізетін бірқатар перспективті бағыттарға назар аударды.

Атап айтқанда, мемлекет басшысы ТМД-ның экономикалық негізін нығайту және елдер арасындағы сауда кедергілерін жоюға бағытталған шаралар қабылдау қажеттігі туралы айтты.

Сондай-ақ, Нұрсұлтан Назарбаев сауда-экономикалық қатынастарды кеңейту және ТМД-ға мүше барлық елдердің көлік-транзит әлеуетін пайдалану жөніндегі мәселелерге тоқталды.   

Қазақстан президенті ғылыми-ғарыш, цифрландыру және туризм салаларындағы бірлескен жобаларды іске асыру мәселесіне назар аударды.

Мемлекет басшысы Қазақстанда құрылған "Астана" халықаралық қаржы орталығының ерекшеліктері жөнінде әңгімелеп, ТМД-ға мүше елдердің бәрін Қаржы орталығының жұмысына белсенді атсалысуға шақырды. 


Жаңалықтар
0