АСТАНА, 22 қыркүйек — Sputnik. Қазақстандық боксшы Геннадий Головкиннің бапкері Абель Санчес команда GGG-дің Сауль "Канело" Альвареспен жекпе-жегіндегі жеңілісін қалай қабылдағанын айтты.
Абель Санчестің пікірінше, әрбір команда жеңіліске ұшыраған кезде жеңдім деп ойлайды. Бұл туралы Sports.kz жазды.
"Біз жеңіске жеттік деп есептейміз, "Канелоға" жеңісті берген екі төрешіден басқаның бәрі солай ойлайтын секілді", — деп атап өтті бас бапкер.
Оның айтуынша, Геннадий Головкиннің көңілі қалған, ол Лас-Вегаста "жергілікті" боксшыға басымдық берілетініне аздап қапаланған.
"Шешімді өзгерту үшін ештеңе істей алмаймыз. Біз Геннадийді ұлттық чемпион деп есептейміз, адамдар да ол жеңді деп ойлайды", — деп жазды Санчес Reddit сайтында.
Абель Санчес Головкиннің рингтен неге үндемей кетіп қалғанын түсіндірді
Айта кетейік, Головкин — "Канело" жекпе-жегі 15 қыркүйекте Лас-Вегаста өтіп, төрешілер шешімімен Альварес жеңіске жетті.
