АЛМАТЫ, 8 қыркүйек — Sputnik. Алматыда "Аксай-4" шағын ауданында көпқабатты үйдің пәтерлерінің бірінде өрт болды, деп хабарлайды қаланың төтенше жағдайлар жөніндегі департаменті.
Ведомство мәліметінше, оқиға кеше болған екен.
Подъезде түтін иісін сезген көршісі бірден көмекке ұмтылады. Өртке оранған пәтердің есігі жабық тұрғанымен, кілтпен бекітілмепті. Бейбітгүл Ыдырысова бетін халатының жеңімен жауып, түтін басқан үйге кіреді.
Балалардың үйде екенін білетін ол атын атап шақыра бастайды. Жеті жасар бала бірден дыбыс шығарып, белгі береді. Қасында бір жарым жасар бауыры бар көрінеді. Әйел адам балаларды көтеріп далаға алып шыққан. Кейін өрт сөндіру қызметін шақырыпты.
Астанада жер асты жолында көлік өртенді
Көп ұзамай өрт сөндірушілер тілсіз жаумен күресе бастайды. Кейінірек анықталғандай, балалардың анасы оларды үйге тастап, мектепке кетіп қалыпты.
Өрттің себебі айтылған жоқ.
