Астана әкімдігінің қызметкерлері қара қызметтік көліктерді эконом-таксиге айырбастады. Енді қалалық басқармалар мен төрт аудан әкімдіктерінің шенеуніктерін Astana Taxi таксомоторлық компаниясы тасымалдайтын болады.
Таксиге ауысу бес жыл ішінде миллиардтаған теңге қаражатты үнемдеуге септігін тигізеді, деп санайды әкімдіктегілер. Бос қалған 64 көлік мектептер мен ауруханаларға беріледі.
Жергілікті такси жүргізушісінің сөзіне сүйенсек, әкімдік қызметкерлері Министрліктер үйіне жиі баратын көрінеді.
