АСТАНА, 27 тамыз — Sputnik. Сан-Луис-Обиспо қаласындағы Калифорния политехникалық университетінің қызметкері, ғылым докторы Кари Пилолла ACSM's Health & Fitness Journal журналында қарынға жиналған майдан қалай тез арылуға болатынын айтып берді, деп хабарлайды РИА Новости.
Күнделікті рационда жасұныққа бай тағамдарды арттырып, қаныққан май мөлшерін азайту қарынға жиналған майды кетіруге көмектеседі, делінген мақалада. Көкөністер, жеміс-жидектер, бұршақ тұқымдастар, дәнді-дақылдарды көбірек жеп, майлы ет, тоқаштар мен жоғары деңгейде өңделген азық-түліктерді рационнан мүлдем алып тастаған жөн. Осылайша тамақтану тәртібі әртүрлі жүрек-қантамыр ауруларының алдын алуға септігін тигізеді, дейді зерттеуші.
Сондай-ақ, Пилолла қарын майын кетіретін әмбебап "таңғажайып диета" немесе биобелсенді өнім жоқ екенін жасырмады. Ғалымның айтуынша, іштегі майдан арылу үшін дене шынықтырумен айналысу да өте маңызды.
Зерттеуде көрсетілгендей, артық салмаққа душар болған жандарда жүрек-қантамыр аурулары, диабет және метаболизмдік синдромға шалдығу қаупі жоғарылайды.
- Ғалымдар қанша тамақ жесең де, семірмеудің жолын айтты
- Ыстық шайдың таңғажайып пайдасы анықталды
- Жапондардың мінсіз сымбатының сыры неде?
