Бірігіп жүргізілген оқу-жаттығулар барысында әртүрлі ведомстволардың тасымалдаушы зымыран бөлшектерінің құлауы салдарынан туындайтын төтенше жайттарға дайындығын көрінеді, деп хабарлайды Қарағанды облысы әкімдігінің сайты.
Оқу-жаттығулар сценарийі бойынша құтқарушылар қауіпті аймақты қоршап, радиация мөлшері мен химиялық ластану деңгейін өлшеп, гептилдің төгілу аумағын анықтады. Сол кезде тағы бір өрт сөндірушілер жасағы далада шыққан өртті сөндірді.
Өрт сөндірушілер химиялық бұлтты ұстап тұру үшін арнайы техника қолданды. Сұйықтықты желдің бағытына қарсы шашқан.
Қарағанды облысы бойынша төтенше жағдайлар департаменті басшысының орынбасары Марат Қатпановтың айтуынша, гептил төгілген топырақты арнайы аймаққа шығарып, орнына улы затты зарарсыздандыратын ерітінді құяды.
Тасымалдаушы зымыран бөлшектерінің құлауы салдарын жоюға "Роскосмос" ұйымы жауапты, ал апат елді мекендерге жақын жерде болса, қазақстандық құтқарушылар да көмекке келеді.
