АСТАНА, 16 тамыз — Sputnik. Астанада Құрбан айт күндері құрбандық шалуға рұқсат берілетін орындар анықталды, деп хабарлайды Астана қаласы әкімдігінің ресми сайты.
Құрбан айт мейрамын атап өту 21 тамыз елорданың барлық 9 мешітінде мерекелік "Айт намазынан" (басталуы сағат 7-00) бастау алады. Қазіргі таңда Астана қаласында негізгі құрбандық шалу орындары бекітілді:
Алматы ауданы
"Метро" сауда үйі (Астана-Қарағанды тас жолы)
Байқоңыр ауданы
- "Нұрбереке-555" ЖШС, Алаш шоссесі, 30 ("Көк Базар" базарының арты),
- "Есжанова А" ЖК, "Жайлау", Алаш шоссесі, Ц 313 көшесі,
- "Шаушен" ШҚ, "Астана-Павлодар" тас жолы 9 км,
- "Темеш" ШҚ, Астана – Софиевка тас жолы 7 км.
Есіл ауданы
"Алтын-Таға" базары, Қосшы кентінің маңы
Сарыарқа ауданы
"Ұлжан" әмбебап базары, (бұрынғы "Саянұр" базары)
Сонымен қатар, "Құрбан айт" мерекесін атап өту күндері халыққа құрбандық шалу және тағы басқа өзекті мәселелер бойынша ақпараттандыру үшін тәулік бойы "2288" Call-center жұмыс істейді.
