СЕМЕЙ, 14 тамыз — Sputnik. Қазақстан президенті Нұрсұлтан Назарбаевтың аттасы Семейде отау құрып, ата-анасының қамқорлығынсыз қалған балаларға мереке ұйымдастырды.
Жас қазақстандық Нұрсұлтан Назарбаев пен жары Алтынай Иса дүркіретіп той өткізуден бас тартты, деп жазады "Экспресс-К". Мейрамхана мен той кортежіне шығындалудың орнына, ресми неке қию салтанатынан кейін жас жұбайлар лагерьге бет алды.
Жарасымды жұп екі балалар үйінің жүздеген тәрбиеленушісіне дастархан жайып, аниматорларды шақырып, мереке ұйымдастырыпты.
![Алтынай мен Нұрсұлтан балалардың ортасында Алтынай мен Нұрсұлтан балалардың ортасында - Sputnik Қазақстан](https://sputnik.kz/img/681/94/6819445_0:0:1024:680_600x0_80_0_0_180b7912977de485e61f77f40872867b.jpg)
Алтынайдың айтуынша, жұбайы екеуі сән-салтанатты той жасауды ешқашан армандамаған. Жеті жыл қыз-жігіт болып жүріп, отау құруға бел байлапты.
![Президенттің аттасы мен жары балаларға көңілді мереке ұйымдастырды Президенттің аттасы мен жары балаларға көңілді мереке ұйымдастырды - Sputnik Қазақстан](https://sputnik.kz/img/681/96/6819603_0:0:1024:680_600x0_80_0_0_af0343c86ea8ca4630d32dafb41cb2e1.jpg)
Мемлекет басшысының аттасы мамандығы бойынша педагог, дейді жары Алтынай. Жас жұбайлардың отбасы тойды ерекше өткізуге қарсы болмаған.