12 тамыз — Sputnik. Ғалымдар зерттеу жүргізіп, ыстық шайдың қандай пайдасын барын анықтады.
Зерттеу нәтижесі шайды көп ішетін адамдардың глаукомаға сирек шалдығатынын көрсетті. Мақала British Journal of Ophthalmology басылымында жарияланған.
Глаукома көздің көрмей қалуының негізгі себебі болып табылады, ол көздің ішіндегі қысымнан пайда болады.
Зерттеуде ыстық немесе жылы шай туралы айтылады. Бірақ өте ыстық шай жөнінде емес, өйткені онкологиялық ауруларды зерттеу бойынша халықаралық агенттіктің мәлімдеуінше, тым ыстық сусын ішкен адам өңеш рагына шалдығуы мүмкін.
Ғалымдар АҚШ-та жүргізілген ұлттық сауалнаманың нәтижесіне сараптама жүргізген. Белгілі болғандай, 1600 азаматтың тек бес пайызында ғана глаукома бар екен. Кофе немесе суық шай ішетін адамдардың көз көруі нашарлай бастағаны анықталды.
Тағы оқыңыз: Қанша тамақ жесең де, семірмеудің жолы табылды
Осылайша, ғалымдар ыстық шай ішу мен глаукома ауруына шалдықпау арасындағы байланысты тапты. Мұны шайдың құрамындағы кофеинмен түсіндіруге болады. Кофенің құрамында да кофеин болғанымен, оның глаукомамен байланысы ыстық шай секілді емес.
Зерттеушілердің айтуынша, шайдың құрамындағы флавоноидтардың қабынуға қарсы және антиоксиданттық қасиеті бар, ол көзді аурулардан қорғай алады. Бұдан бөлек, шайдағы антиоксиданттар көз жасушаларының жаппай жойылуын бәсеңдетеді.
- Ғалымдар қандай ыдыстың рак тудыратынын айтты
- Күніне бір жұмыртқа жеудің қандай пайдасы бары анықталды
- Ғалымдар сарымсақтың ешкім білмеген пайдасын жариялады
