АСТАНА, 8 тамыз — Sputnik. Қазақстан мен Таиланд арасындағы тұрақты рейстер саны көбейтіледі, деп хабарлады ҚР инвестициялар және даму министрлігінің азаматтық авиация комитеті.
Астанада Қазақстан Республикасы мен Таиланд корольдігінің авиация биліктері Air Astana, SCAT және Thai Airways әуекомпанияларының қатысуымен келіссөздер жүргізді.
Келіссөздер нәтижесінде Air Astana үшінші елдердің әукомпанияларымен код-шер келісім жасасу мүмкіндігіне ие болды. Жаңа құқықтың арқасында Таиланд қазақстандықтар үшін қазіргіден де қолжетімді болмақ.
Қазір елдердің арасында Алматы – Бангкок рейсі аптасына 5 рет, қыс мезгілінде тағы екі рейс ұшырылса, Астана – Бангкок рейсі 3 рет аттандырылады.
