Алматының ішкі істер департаментінен мәлімдегендей, трагедия 19 шілдеде күндіз қала орталығында болған. Денис Тен тұрақта тұрған автокөлігіне келе жатып, көліктің айнасын ұрламақ болған қаскөйлерді көреді. Ұрылардың соңынан қуып, тоқтатпақ болғанда, пышақ жарақатын алған.
Көп қан жоғалтқан спортшы ауруханаға түскеннен кейін екі сағаттан соң көз жұмды.
Шабуыл жасағандар іздестіріліп жатыр.
Денис Тен – Сочиде өткен қысқы Олимпиада ойындарының қола жүлдегері, көптеген халықаралық жарыстарда топ жарды. Мәнерлеп сырғанаушы 25 жасында өмірден өтті.
