Мәдениет

Әміре: кейде мені "Димашқа жетпейсің" деп жамандап жатады

Жазылу
Көпшілікке Әміре деген атпен танымал Ернар Садырбаев Витебскте өткен "Славян базары" халықаралық өнер байқауында 1-орын алған болатын

АСТАНА, 19 шілде – Sputnik. "Славян базары" байқауынан бірінші орынмен оралған Ернар Садырбаев Димаш Құдайбергенді қатты сыйлайтынын айтты, деп хабарлайды Sputnik Қазақстан тілшісі.

Әміре Славян базары фестивалінде - Sputnik Қазақстан
Видео
"Славян базарында" Әміре бала кезінен бергі арманын орындады

"Славян базары" байқауы осыдан үш жыл бұрын Димаш Құдайбергеннің де жұлдызын жаққан еді. Енді міне Әміре де Димаштың жолын қуып, халықаралық фестивальден жүлдемен оралды.

"Славян базарында" Димаштың жолын қуған Ернар Садырбаев кім?

"Біздің елде де, Беларусьте де Димаш туралы көп естідім. Димашты бәрі өте қатты сыйлайды. Витебскте Димаштың концертінде болдық, Қытайдан, жан-жақтан жанкүйерлері келді. Кейде жұрт мені салыстырып жатады. "Сен Димашқа жетпейсің" деп жамандап жататындар бар. Шын айтсам, сондай адамдарды түсінбеймін. Менің мақсатым ол емес", — дейді Әміре. 

Ол әркімнің өз дара жолы бар екенін атап өтті. 

"Әркімнің Құдай берген таланты бар. Мен Димашты адам ретінде сыйлаймын, жақсы көремін. Оны үнемі айтып жүремін. Онымен баяғыдан таныспыз. Ол менің әріптесім, досым. Әрдайым қолдап жүремін, Димаш та солай. Оған тек қана сәттілік тілеймін", — деді Ернар. 

Айта кетсек, "Славян базары" халықаралық өнер байқауы Беларусьтің Витебск қаласында 12-16 шілде аралығында өтті. Қазақстан атынан қатысқан Ернар Садырбаев бақ сынады.

Ернар Садырбаев "Славян базарында" бірінші орын иеленді

Қазақстан мен Румыния конкурсанттары бірдей балл жинаған – 156. Алайда әділ қазылар алқасы бас жүлдені Румыния әншісіне беруді ұйғарды. Қазақстан – бірінші, Украина – екінші орын алса, ал үшінші орын Польша мен Беларусь дарындыларына бұйырды.

Димаш "Славян базарында" ән орындап, тыңдармандарын тебірентті

Роза Рымбаева "Славян базарында" Лукашенконың қолынан сыйлық алды

Жаңалықтар
0