АСТАНА, 15 шілде — Sputnik. Бельгия құрамасы Англия командасын ұтып, 2018 жылғы футболдан әлем чемпионатының қола жүлдегері атанды.
Ойынның басынан бастап бельгиялықтар жеңіске құштарлығын көрсетіп, төртінші минутта Тома Мёнье қарсыластың қақпасына допты дәл түсірді.
Алғашқы таймнан кейін есеп 1:0 Бельгия құрамасы пайдасына болды.
Ал ағылшындар құрамасы ең жас командалардың бірі ретінде есте қалды: Гарет Саутгейттің шәкірттерінің орташа жасы небәрі 25.
Екінші таймда ағылшындар шабуылды үдеткенімен, ешқайсысы нәтижелі аяқталмады. Бельгия құрамасының жартылай қорғаушысы Де Брёйне Эден Азарға допты дәл бере қойып, ол екінші голдың авторы атанды.
Ресейдегі футболдан әлем чемпионатына дейін Бельгия ешқашан қола жүлде алып көрген емес.
Үшінші орын үшін таласқан командалардың ойынын алпыс мыңнан астам адам тамашалапты.
🙌🙌🙌#BELENG pic.twitter.com/WN7pgA74hu
— Чемпионат мира FIFA 2018🏆🇷🇺 (@fifaworldcup_ru) 14 июля 2018 г.
Олардың арасында қазақстандықтар да болды.
