АСТАНА, 10 шілде — Sputnik. Қазақстандық Аида Сатыбалдинова мен америкалық Селена Барриостан арасындағы жекпе-жектің видеосы жарияланды.
Естеріңізге сала кетейік, жұрт "Әйелдер арасындағы GGG" деп атап кеткен қазақстандық кәсіпқой боксшы Аида Сатыбалдинова америкалық Селена Барриостан жеңіліп қалған болатын. Ол қазақстандық боксшыны төртінші раундта нокаутқа жіберді.
Америкалық Корпус-Кристи қаласында өткен жекпе-жек екі минуттық сегіз раундқа есептелді. Қазақстандық боксшының қоржынында – үш жеңіс және тең түскен бір жекпе-жек. Ал қарсыласы кәсіпқой рингте үш кездесу өткізіп, үшеуінде де жеңіске жетті. Біреуін нокаутқа жіберген.
Жекпе-жекке дейін Сатыбалдинова оны спорттық мансабындағы ең маңызды кездесу деп атаған еді.
