АЛМАТЫ, 4 шілде — Sputnik. "Қоғамдық қауіпсіздік кеңесі" атты іздеу тобының еріктілері жоғалып кеткен Анна Чакиртованы іздеуге кірісті. Топ өкілі Ислам Угушевтың айтуынша, Чакиртоваға хабарласқан соңғы нөмір күдік туғызған екен.
"Телефонына осы нөмірден хабарласыпты. Кім екенін ешкім білмейді", – деді Угушев Sputnik агенттігіне.
Олар жоғалып кеткен әйелдің туыстарымен үнемі байланыста отыр екен. GetContact бағдарламасының көмегімен хабарласқан адамның аты анықталды, болжам бойынша, әйел адам.
"Дәйекті ақпарат әлі жоқ, тек қол ұшын беріп жатырмыз, жігіттерді қостым, топ болып жәрдемдесіп жатырмыз", — деді ол сөз соңында.
Томирис ханшайымның бала кезіндегі рөлін кім сомдайды?>>
Анна Чакиртованың туыстары топқа өздері хабарласып, көмек сұраған.
"Томирис" фильмінің продюсері дүйсенбі күні кешкісін жұмбақ жағдайда жоғалып кетті. Телефонын зарядтауға қойып, үйінен шығып кеткен. Кеше туыстары полицияға хабар берді, продюсер әлі табылған жоқ.
